फिक्कल: इलामको माईजोगमाई गाउँपालिकाको केन्द्र नयाँबजारमा परम्परागत रुपमा लाग्दै आएको बालाचतुर्दशी मेला लागेको छ । परम्परागत रुपमा लाग्दै आएको बालाचतुर्दशी मेलाको अवसरमा नयाँबजारमा रहेको शिव मन्दिरमा दर्शनार्थीको घुईचो लागेको छ । मन्दिरमा सतबिउ छर्ने दर्शनार्थीको भिड लागेको मेला आयोजक समितिका प्रचा संयोजक बिनु खड्काले जानकारी दिनु भयो ।
बालाचतुर्दशीको अवसरमा माईजोगमाई ५ मा रहेको मलु पोखरीबाट जल यात्रा गरीएको थियो । मलु पोखरीबाट ल्याएको जल शिव मन्दिरमा चढाइएको गाउँपालिका उपाध्यक्ष प्रविना राईले जानकारी दिनु भयो । मेलाको अवसरमा बिभिन्न जातजातीको झाकी पदर्शन गरीएको छ । राई , लिम्बु, लाप्चा। शेर्पा तामाङ लगायतका जातीको झाकी पदर्शन गरीएको मेला आयोजक समितिका अध्यक्ष मदन भण्डारीले जानकारी दिनु भयो । गाउँपालिका उपाध्यक्ष राईले भन्नु भयो‘पर्यटकीय स्थल अथाह भए पनि प्रचारप्रसारको अझै कमी छ, प्रचार प्रसार र पर्यटन पवर्धनका लागि मेला आयोजना गरीएको हो।’
९ गते देखि शुरु भएर १८ गते सम्म लाग्ने मेलामा रमाईलो मेला समेत आयोजना गरीएको छ । मेलाका स्थानीय कृषि उपजलाई प्रवर्धन गर्ने काम भएको गाउँपालिका अध्यक्ष कुश बहादुर थेवेले जानकारी दिनु भयो ।‘पर्यटकीय स्थलमा भौतिक पूर्वाधारका काम धमाधम भैरहेका छन, अव प्रचार प्रसारको खाचो छ ’अध्यक्ष थेवेले भन्नु भयो ।
माईजोमाईको केन्द नयाँबजारमा शिव मन्दिर, देबी मन्दिर , उत्तरे पोखरी, रेडपाण्डाको प्रतिमा , यलम्बरको प्रतिमा र बौद्ध गुम्बा जस्ता पर्यटकीय स्थल रहेका छन । यस्तै मलु पोखरी , माईबेनी , थुम्के रानी, जौवारी, तुम्लिङ, टंङ्लु , चित्रे गुम्बा जस्ता दर्जनौ पर्यटकीय स्थल रहेका छन । सन्त बालागुरुको पहलमा नयाँबजारमा २०११ साल देखि बालाचतुर्दशी मेला लागदै आएको छ ।
