फिक्क्ल: इलामको सूर्योदय नगरपालिका ८ को मालुममा बिहिबार देखि मंसिर २५ गते सम्म चल्ने प्रथम मालुम पर्यटन महोत्सव शुरु भएको छ । सूर्योदय नगरपालिका वडा नं ८ मा रहेको मंगल ज्योति टोल बिकास संस्थाको आयोजना साथै कन्काई फन वल्ड सुरुंगा झापाको समन्वयमा महोत्सव शुरु भएको हो । बिहिबार एक कार्यक्रमका बिच सूर्योदयका नगर प्रमुख रण बहादुर राईले मेलाको उद्घाटन गर्नु भयो । मेलाको उद्घाटन गर्दै उहाले पर्यटन प्रवर्धन गर्न आयोजीत मेलालाई नगरले पूर्ण सहयोग गर्नु बताउनु भयो । उद्घाटन कार्यक्रममा शसस्त्र प्रहरी बल आईतबारे बेस क्याम्पका प्रमुख सुरज केसी ,नेपाली काग्रेस नगर सभापति जिवन कुमार नेपाल, वडा नं. ८ का वडाध्यक्ष जंग गुरुङ , वडा नं. ७ का वडाध्यक्ष लोक बहादुर राई लगायतले शुभकामना मन्तब्य राख्नु भएको थियो ।
मेला आयोजक समितिका अध्यक्ष कमल गड्तौलाले बिभिन्न मनोरञ्जनात्मक खेल सहित राष्ट्रिय स्तरका कलाकारको साथमा महोत्सव लगाइने जानकारी दिनु भयो । । उहाले स्थानीय स्तरको पर्यटन प्रवर्धनका लागि महोत्सव आयोजना गरीएको जानकारी दिनु भयो । महोत्सवमा सथानीय खानाका परिकारका स्टल समेत राखीएको छ ।
