इलाम: पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले भारतले सिमाना मिचेकोमा नेपालले हेर्नुमात्र पर्ने बताएका छन । पार्टीको जिल्ला अधिवेशन प्रतिनिधि परिशद बैठकलाई सम्बोधन गर्न इलाम आएका ओलीले इलामको पशुपतिनगर पुगी सिमा अवलोकन पश्चात यस्तो बताएका हुन । उनले पश्चात पत्रकार सँग कुरा गर्दे ठूलो छाती भएको छिमेकी देश भारतले न्यायपुर्ण मित्रवत गर्नुपर्नेमा हेपावा पूवृति गरेको बताए । दुई देशको सिमानाको दशगजामा प्रहरी पोष्ट सञ्चालन गर्ने र बेला बेला सिमानामा समस्या ल्याउनु हेपाहा प्रवृति रहेको भन्दै यस्ता समस्यामा नेपालले हेर्नुमात्र पर्ने गरेको भन्दै ओलीले भारतले ठूलो देश भएकै कारणले सीमाको कुरा नसुुन्ने भन्ने नहुने बताए । ‘सानोतिनो अर्घेल्याइँ गरेर भारतले कुनै ठूलो लाभ पनि प्राप्त गर्ने होइन, यो व्यवहारले नेपाललाई आफूलाई हेपिएको अनुभूति हुन्छ,’ उनले भने, ‘हेपिएको महसुुस हुँदा कसैलाई राम्रो लाग्दैन, भारतले सुन्छ होला । यस सम्बन्धमा निष्कर्ष निकाल्नेगरी कुरा गर्छौ ।’
