सरकारी कर्मचारीको सरुवा वैज्ञानिक र स्वचालित हुन पर्ने माग – Hamropalika
अर्थ वाणिज्य सूर्योदयका १ सय ९६ जना किसानलाई काउ म्याट बितरण Uncategorized सूर्योदयका १ सय ९६ जना किसानलाइ काउ म्याट बितरण अर्थ वाणिज्य अन्तु महोत्सव आजबाट शुरु अर्थ वाणिज्य रोङको हाँसपोखरीमा आजबाट पर्यटन तथा कृषि महोत्सव शुरु हुदै प्रदेश १ कांग्रेसका डम्बर खड्कालाई भोट माग्न इलाम २ का मतदाताको घरदैलोमा गगन थापा प्रदेश १ रास्वपाका मिलन लिम्बू चुनावी प्रचार गर्दै मतदाताका घर-घरमा अर्थ वाणिज्य इलामेली समाज दक्षिण कोरियाद्वारा ३० लाख बराबरको स्वास्थ्य सामग्री वितरण प्रदेश १ उप-निर्वाचन इलाम २ः कांग्रेस इलामको कमाण्डर बिश्वप्रकाश शर्मा अर्थ वाणिज्य श्रीबुङ्गको पुराण तथा दोमाङ पाठको आय–व्यय सार्वजनिक अर्थ वाणिज्य रोङको हाँसपोखरीमा पर्यटन तथा कृषि महोत्सव हुने
Hamropalika menu advertisement

सरकारी कर्मचारीको सरुवा वैज्ञानिक र स्वचालित हुन पर्ने माग

  • प्रकाशित मितिः April 14, 2024
  • hamro_palika

काठमाण्डौः एकीकृत सरकारी कर्मचारी संगठनका महासचिव प्रकाश राईले अब सरकारी कर्मचारीको सरुवा वैज्ञानिक र स्वचालित हुन पर्ने माग राखेका छन् ।उनले संगठनको अधिवेशनको निर्णय बारे जानकारी दिने उद्देश्यले बुधबार काठमाडौंको नयाँ बानेश्वर स्थित अर्याल होटलमा आयोजना गरिएको पत्रकार सम्मेलनमा संगठनका तर्फबाट सो माग राखेका हुन् ।

पहुँचका भरमा र अनेकौ सम्झौतामा मात्र कर्मचारी सरुवा हुने गलत प्रथाको अन्त्य हुनै पर्ने महासचिव राईको भनाई छ । त्यसका लागि संगठनले जस्तो सुकै मूल्य चुकाउन पछि नपर्ने उनले बताए ।महासचिव राईले भने–‘सरुवाका लागि कार्यालयको आधा समय विताउनु पर्ने बाध्यता रहेको बताउँदै सेवाको आधा समय नै त्यसमा लागेपछि कसरी सहि तरिकाबाट सेवा दिन सकिन्छ ।

सरुवालाई वैज्ञानिक बनाउका लागि नीतिहरुमा संशोधन लगायतका काम गर्नका लागि विज्ञहरुको समुह निर्माण गर्नुपर्ने र त्यो समुहले दिएको सुझावका आधारमा सबै कर्मचारीलाई हित हुनेगरी वैज्ञानिक र स्वचालित सरुवाको व्यवस्था राज्यले गर्नुपर्ने उनले बताए ।एउटा साधारण कर्मचारी बाटोमा गाडी पर्खेर बसिरहँदा त्यही कार्यलयको हाकिम भने पाँच सिट खाली राखेर सरर कारमा हिँड्ने र त्यही कार्यालयमा कार्यरत तल्लो तहको उत्तिकै योगदान दिने कर्मचारी भने घरसम्म पुग्न सार्वजनिक सवारी कुर्न पर्ने अवस्था रहेको उनले बताए । एउटा हाकिम ५ कोठाको क्वाटरमा एक्लै बस्दै गर्दा धेरै कर्मचारी कोठा भाडा तिर्न नसकेर बस्नुपर्ने अवस्था पनि रहेको उनले बताए ।

कर्मचारी तन्त्रमा समेत लोकतन्त्रको बहस हुनुपर्ने आवश्यकता रहेको संगठनले ठहर गरेको राईले बताए । कार्यक्रममा बोल्दै राईले उद्योगका मजदुरहरु सामाजिक सुरक्षा कोषमा आवद्ध भइरहँदा सामाजिक सुरक्षा कोषमा रकम जम्मा गरिरेका करारमा कार्यरत कर्मचारीलाई कोषमा सहभागी नगरिएकाले उनिहरुलाई समेत कोषमा सहभागी गराउनु पर्ने माग राईले राखेका छन् ।

पत्रकार सम्मेलनमा महासचिव राईले संघीय निजामति ऐन अबिलम्ब ल्याउन माग समेत गरे । फागुन २६ र २७ गते भक्तपुरमा सम्पन्न प्रथम राष्ट्रिय अधिवेशनले प्रशासनिक संघीयता कार्यान्वयनको अनिवार्य औजार संघीय निजामती सेवा ऐन अविलम्व जारी गर्न उनले माग गरेका हुन् । त्यसका लागि संगठनले दवाव दिने निर्णय गरेको संगठनका महासचिव राईले बताए । राष्ट्रिय अधिवेशनबाट गगनसिंह विष्टको अध्यक्षतामा १३९ सदस्यीय केन्द्रीय कार्यसमिति निर्वाचन गरिएको छ ।

TOP