जिल्ला स्तरिय खेलाडी छनौटको प्लेटफाम रहने १३औ राष्ट्रपति रनिङ शिल्डको सबै तयारी पुरा भएको छ । संघीय शासन पद्दतिको मर्म अनुसार पहिलोखपटक इलामको फाकफोकथुम ३को सिहदेबि माध्यमिक बिद्यालयमा आगामी २३ देखि २५ गते सम्म हुने छ ।
पालिका स्तरीय खेलमा उत्कृष्ट हुने खेलाडीले आगामी चैत्रमा हुने प्रदेश स्तरीय खेलमा भाग लिन जिल्ला स्तरको खेलाडी बन्ने र प्रदेशमा छनौट भएका खेलाडीलाई राष्ट्रिय स्तरको खेलकुद प्रतियोगितामा भाग लिन पाउने भएका कारण बिद्यालय नियमित पठन पाठनको केन्द्र मात्रै नभएर वालबालिकासग भएको खेल प्रतिभाको प्रवर्धन र बिकास समेत हुने भएको छ ।
कक्षा १२ सम्म अध्ययनरत १२ देखि १८ बर्षसम्मका पालिका स्तरवाट छनौट भई आएका बिभिन्न ६ वटा खेल र मार्सल आट समेतमा करिव ८ सय ५० खेलाडी प्रशिक्षक सहित करिव १ हजार १ सय जनाको सहभागिता रहने प्रतियोगिताको सबै तयारी पुरा भएको आयोजक जिल्ला खेलकुद बिकास समितिका अध्यक्ष खगेन्द्र वास्तोलाले बताए ।
पहिलो पटक जिल्ला बाहिर खेल आयोजना गरिएका कारण ब्यवस्थापनमा चुनौति रहेपनि ब्यवस्थापक फाकफोकथुम गाउँपालिका र सम्बन्धित वडाको सहयोग र समायोजनले प्रतियोगिता सचालन गर्न सहज रहेको छ ।
जिल्ला खेलकुद बिकास समिति कार्यालय प्रमुख नारायण भट्टराईले फाकफोकथुम गाउँपालिकाले आट गरेकाले उक्त आयोजना गाउँमा गएर संचालन गर्न सफल भएको बताए । उनले निक्क्ै अगाडी देखि गाउँमा लगेर कार्यक्रम गर्ने योजना भए पनि अहिले सफल भएको बताए ।
सहभागिलाई खानको लागि प्रतिदिन ५ सय बराबरको प्याकेज बनाईएको छ भने वासको लागि वरपरका १ सय ५० घरमा होमस्टेको रुपमा तयार गरिएको छ । अपुग रहेमा आसपासका गाउँमा पालिका स्तरको सेल्टरवासको ब्यवस्था गरिएको अध्यक्ष वास्तोलाले बताए ।प्रतियोगिता सचालनको लागि करिव १७ लाख खर्च हुने अनुमान गरिएको छ ।
सबै पालिकाहरुवाट सहयोग जुट्ने वास्तोलाको भनाई रहेको छ ।सहभागीको स्वास्थ सेवाको लागि जिल्ला स्वास्थ कार्यालय र स्थानिय स्वास्थ्य चौकीको समन्वयमा स्वास्थ्य सेवाको समेत ब्यवस्था गरिएको छ ।खेलमा बिजेता पालिका स्तरको खेलाडीले पदक र प्रमाण पत्र पाउदै प्रदेश स्तरका खेलको लागि जिल्ला स्तरीय खेलाडी बन्ने छन् । बिजेता पालिकाले शिल्ड पाउने छन् ।
