फिक्कल: २२ औं सशस्त्र प्रहरी दिव २०७९ को अवसरमा इलाम बजारका बिभिन्न स्थानमा आज सरसफाई गरिएको छ । सशस्त्र प्रहरी बल नेपाल नंम्बर १ गण हेडक्वाटर श्री अन्तु गुल्म इलामको अगुवाईमा बिभिन्न कार्यालयका प्रमुख तथा संस्थाका प्रतिनिधिको उपस्थितिमा लभडाँडा पार्क सहित चिया बगान क्षेत्रमा सरसफाई गरिएको हो ।
सशस्त्र प्रहरी बल नेपाल नंम्बर १ गण हेडक्वाटर श्री अन्तु गुल्म इलामका सशस्त्र प्रहरी उपरीक्षक सुरेश सापकोटा, प्रमुख जिल्ला अधिकारी माधव प्रसाद ढुंगाना, सुरक्षा निकायका प्रमुख , इलाम नगरपालिकाका नगर प्रमुख केदार थापा , ७ नम्बर वडाका वडाध्यक्ष नरेश श्रेष्ठ संघ संस्थाका प्रतिनिधि र स्थानीयको उपस्थितिमा सरसफाई गरिएको छ ।
यसै बिच दिवसकै अवसरमा सशस्त्र प्रहरी बल बिओपी पशुपतिनगर र इलाका प्रहरी कार्यालयको अगुवाईमा पशुपतिनगर बजारको सीमा क्षेत्रमा सरसफाई गरिएको सशस्त्र प्रहरी बल (बीओपी) पशुपतिनगरका प्रहरी निरीक्षक दिनेश आचार्यले जानकारी दिनु भयो । उहाका अनुसार प्रहरी सहित भारतीय सीमा सुरक्षाबल (एसएसबी), टयाक्सी ब्यवसायी लगायतका सक्रियतामा पशुपतिनगर बजारको नेपाल भारत सीमा क्षेत्रमा सरसफाई गरिएको छ । बिशेषत सीमा सुरक्षामा खटीएको सशस्त्र प्रहरीले बिपदको समयमा उद्धारका काम समेत गर्दै आएको छ ।
