फिक्कल: असोज १८ गते रातीको बाढीपहिरोले अवरुद्ध भएको इलामको फिक्कल–नयाँबजार सडक संचालनमा आएको छ । मयू खोलाको पानी फिजाए संगै खोला माथीको भागमा नयाँ ट्रयाक खोल्ने काम सम्पन्न भएपछि उक्त सडकमा आज दिउसोबाट यातायत संचालनमा आएको हो । उक्त सडक अवरुद्ध भएपछि सुर्योदय नगरपालिका र माइृजोगमाई गाउँपालिका बिच सडक सम्पर्क टुटेको थियो ।
बाढीले मयू खोलाको कल्भट बगाएको थियो भने खोला माथीको सडक पहिरोले क्षतिग्रस्त बनाएको थियो । सूर्योदय नगरपालिका र माईजोगमाई गाउँपालिकाको ५०÷५० प्रतिशत लगानीमा सडक खोलने काम भएको माईजोगमाई गाउँपालिका उपाध्यक्ष प्रविना राईले जानकारी दिनु भयो । अस्थाई रुपमा खोलाको पानी फिजाउने र नयाँ ट्रयाक खोल्ने काम सम्पन्न भएपछि सडक अस्थाई रुपमा संचालनमा आएको सूर्योदय नगरपालिकाका बनवातावरण तथा बिपद ब्यवस्थापन शाखाका संयोजक राजकुमार लिम्बुले जानकारी दिनु भयो । सडक संचालनमा आएपछि माईजोगमाई गाउँपालिका र सूर्योदय नगरपालिका वडा नं. १ का नागरिकलाई सहज भएको छ ।
उक्त क्षेत्रमा कोशी प्रदेशका भौतिक पूर्वाधार बिकास मन्त्री भुपेन्द्र राई , आर्थिक मामिला तथा योजना मन्त्री राम राना, आन्तरिक मामिला तथा कानुनमन्त्री रेवती रमण भण्डारी , पूर्व मुख्यमन्त्री उद्यव थापा सहितको प्राविधिक टिमले मयू खोला, फिक्कल नयाँबजार सडक र फिक्कल खानेपानीको क्षती बारे स्थलगत निरीक्षण गरेको थियो । निरीक्षण पछि प्रदेश सरकारले मयू खोलामा एक साता भित्रमा अस्थाइृ पुल निर्माण गर्ने र क्षती गस्त सडक संचालन गर्ने भएको मन्त्री राईले जानकारी दिनु भयो ।
उक्त सडक संचालन गर्नका लागि सूर्योदयका नगर प्रमुख रण बहादुर राई, उपप्रमुख दुर्गाकुमार बराल , माईजोगमाइृ गाउँपालिका अध्यक्ष कुशबहादुर थेवे, उपाध्यक्ष प्रविना राई लगायतका जनप्रतिनिधि र कर्मचारीले २१ गते देखि नै पहल थाल्नु भएको थियो ।
उक्त सडकमा पक्की पुल निर्माणका लागि कोशी प्रदेश सांषद तथा पूर्व मन्त्री खिनु लङ्वा लिम्बु, प्रदेश सांषद बन्दना अधिारी(खगेश्वरी)ले समेत पहल गर्दै आउनु भएको छ । उक्त खोलामा प्रदेश सरकारको लागनीमा पक्की पुल निर्माण गरिने छ । फिक्कल नयाँबजार सडक समेत प्रदेश सरकारकै लगानीमा कालोपत्रे भएको थियो ।
यसै बिच बाढी पहिरोले क्षति गरेपछि सडक सम्पर्क टुटेको देउमाई नगरपालिकाले इलाम सम्म सडक संचालनमा ल्याएको छ । यस्तै सन्दकपुर गाउँपालिकाले पनि सदरमुकाम जोडिने सडक संचालनको अवस्थामा ल्याएको छ । क्षतिभएका ठाउँमा पालिका सहित नेपाली सेना र शसस्त्र प्रहरीले सडक खोलने काम गरीरहेका छन । मेची राजमार्गको राजदुवालीमा नयाँ ट्रयाक खोलेर सवारी संचालन गर्नका लागि काम भैरहेको सडक डिभिजन कार्यालय इलामका प्रमुख पवन भट्टराईले जानकारी दिनु भएको छ ।गोरखापत्र अनलाईनबाट
