फिक्कल: वन पैदावार व्यवसायी संघका केन्द्रीय अध्यक्ष रोहित खड्काको निधन भएको छ । ५४ बर्षिय खड्काको हृदयघातका कारण उपचारको क्रममा आज बिहान ३ बजे निधन भएको हो ।
सूर्योदय नगरपालिका–१० फिक्कल घरमा नै उहालाई हृदयघात भएपछि उपचारको लागि झापोको बिएन्डसी अस्पताल लगिएको थियो ।
खड्का १४ औं साधारणसभा तथा ८ औं महाधिवेशनबाट दोश्रो कार्यकालका लागि अध्यक्षमा निर्वाचित हुनु भएको थियो । खड्का गत स्थानीय तहको निर्वाचनमा नेपाली कांग्रेसबाट सूर्योदय नगरपालिका–१० मा वडाध्यक्षको उम्मेदवार समेत रहनु भएको थियो । नेपाली काग्रेसका सूर्योदय १० का सभापति समेत रहनु भएका खड्का निर्माण ब्यवसायी संघ इलामको जिल्ला कार्य समिति सदस्य समेत रहनु भएको थियो ।
