फिक्कल: नेकपा एमाले सूर्योदय नगर कमिटीको अध्यक्षमा पुनः दुर्गादेवी भट्टराई निर्वाचित हुनु भएको छ । शनिबार सम्पन्न दोश्रो नगर अधिवेशनबाट भट्टराईको अध्यक्षतामा ६१ सदस्यीय नगर कमिटी गठन भएको हो । उपाध्यक्षमा डिक बम्जन चयन हुनु भएको छ । सचिवमा पारस राईले निरन्तरता पाउनु भएको छ । उपसचिवद्धयमा तुलसा खत्री र शरण फागो चयन हुनु भएको छ ।
सदस्यहरुमा भुगोलबाट ४२ जना, युवाबाट ७ जना दलिबाट ३ जना ,लोपोन्मुख समुदायबाट १ जना रहेका छन् । उद्धघाटन सत्रमा पार्टीलाई योगदान गर्ने जेष्ठ नागरिक सम्मानित हुनु भएको छ । सम्मानितमा डम्बर उदास, पस्पत राई, पन्चा योन्जन, हर्कधन तामाङ, जुद्ध बहादुर खत्री, ज्ञानिराम पोख्रेल, छत्र बहादुर राई, श्याम घिमिरे र सनत पराजुली रहनु भएको छ ।
त्यसैगरी हेम बहादुर फागो, नर बहादुर राई, डम्बर बहादुर राई ( मरोणोप्रान्त), टिकाराम आचार्य, खड्ग ब राई, नर ब लाप्चा, पद्म माया कार्की, टीका भट्टराई, राधा देवी राई नन्दलाल परियार रहनु भएको छ । उहाहरुलाई वडा नं १० पार्टी कमिटि र राष्ट्रिय युवा संघले सम्मान गरेको नवनिर्वाचित उपसचिव शरण फागोले जानकारी दिनु भयो । अधिवेशनमा १८८ जना प्रतिनिधि सहभागी रहनु भएको थियो ।
