फिक्कल: इलाम जिल्लाको मेची राजमार्ग तथा आसपासका सडकमा सवारी चेकजाँच सम्बन्धी बिषेश अभियान शुरु गरिएको छ । अभियान अन्तर्गत जिल्ला प्रहरी कार्यालय इलाम तथा मातहत प्रहरीबाट खटिएको प्रहरी टोलिले सवारी साधन चेकजाँच गर्ने क्रममा मादक पदार्थ सेवन गरी सवारी साधन चलाउने ७ जना चालकलाई नियन्त्रणमा लिएको छ ।
जिल्ला प्रहरी कार्यालय इलामका सुचना अधिकारी तथा प्रहरी निरीक्षक तेज बहादुर दाहालका अनुासर पक्राउ पर्नेमा इलामको संदकपुर गाँउपालिका ४ का ३२ बर्षिय राम लिम्बु, पाँचथर तुम्बेवा गाँउपालिका ५ का ४२ बर्षिय गोपिचन्द्र कुरुङबाङ , पाँचथरकै फिदिम नगरपालिका ८ बस्ने ३८ बर्षिय बम बहादुर मुखीया, इलाम नगरपालिका ५ का ३२ बर्षीय चेवन कुमार बजगाई , इलाम नगरपालिका ४ का ४३ बर्षिय सरोज कोईराल , इलामको संदकपुर गाँउपालिका ५ बस्ने २२ बर्षिय रबिन लिम्बु र सोही स्थानका ३४ बर्षिय जितेन लिम्बु रहेका छन् ।
उनीहरुलाई मादक पर्दाथ सेवन गरी सवारी चलाएर यात्रुको ज्यान जोखीममा पारेको भन्दै प्रहरीले नियन्त्रणमा लिएर जिल्ला प्रशासन कार्यालय इलामबाट ७ दिनको म्याद थप गरी अनुसन्धान अनुसन्धान गरीरहेको प्रहरीले जनाएको छ । प्रहरीले जिल्ला भर चाडबाड लक्षित सचेतना कार्यक्रम समेत शुरु गर्ने जनाएको छ । प्रहरीले जिल्ला भरका सडकमा प्रहरी खटाएर अभियान नै शुरु गरेको छ । यसै बिच जथाभावी पार्कीङ गर्ने सवारी साधनलाई ह्वील लक लगाउन थालिएको छ जिल्ला ट्राफिक प्रहरी कार्यालयले जनाएको छ ।
