संघ र प्रदेशको बजेट समाबेसी रुपमा बितरण हुनु पर्छ: राजेन्द्र केरुङ–अध्यक्ष चुलाचुली गाउँपालिका – Hamropalika
प्रदेश रास्वपा सभापति एवं गृहमन्त्री लामिछानेद्वारा लारुम्बाको चुनावी सभामा सम्बोधन,कांग्रेस प्रतिपक्षमा पुगेपछि बर्बराउन थालेको आरोप प्रदेश इलामबासीका समस्यामा सधैं साथ दिइरहेको छु: कांग्रेस उम्मेदवार खड्का प्रदेश वर्तमान सत्ता गठबन्धन माघ कट्दैनः कांग्रेस महामन्त्री गगन थापा जीवनशैली बैशाख १५ गते कांग्रेसलाई सबैले मतदान गर्छनः महामन्त्री बिश्व प्रकाश शर्मा प्रदेश इलामको गोर्खेमा स्वास्थ्य शिविर हुँदै, ३५ सयमा ‘होलबडी जाँच प्रदेश पहिचानवादी उम्मेदवार डकेन्द्रसिंह थेगिमको मंगलबारेमा चुनावी सभा प्रदेश वैशाख १५ मा हुने इलाम क्षेत्र नं. २ को उपनिर्वाचनको तयारी तीव्र प्रदेश आचारसंहिता विपरित इलाममा दुर्गा प्रसाईंको ‘नो भोट’ अभियान पर्यटन इलामको फिक्कलमा २ दिने सडक महोत्सव शुरु पालिका विशेष ‘इलम इलाम’ अवधारणसहित कांग्रेस उम्मेदवार खड्काका यी हुन् ८ मुद्दा
Hamropalika menu advertisement

संघ र प्रदेशको बजेट समाबेसी रुपमा बितरण हुनु पर्छ: राजेन्द्र केरुङ–अध्यक्ष चुलाचुली गाउँपालिका

  • प्रकाशित मितिः April 21, 2024
  • hamro_palika

इलाम जिल्लाको दक्षिणी क्षेत्रमा अवस्थित चुलाचुली गाउँपालिका साबिकका चुलाचुली र साकफारा दुई गा.वि.स. मिलाएर बनाइएको छ । जिल्लाको पश्चिम दक्षिणी क्षेत्रमा अवस्थित यस गाउँपालिकाको कूल क्षेत्रफल १०८.४६ वर्ग किलोमिटर रहेको छ । छ वटा वडामा विभाजन गरिएको यस गाउँपालिकाको पूर्वमा माई नगरपालिका,पश्चिमका मोरंग जिल्ला उत्तरमा माङसेबुङ गाउँपालिका तथा दक्षिणमा झापा जिल्लासंग सिमाना जोडिएको छ । पूर्वपश्चिम राजमार्गसंग पक्की सडकले जोडिएको यस गाउँपालिकामा पहाडी भूभागका अतिरिक्त केहि समथर भूभाग समेत पर्दछ ।
दक्षिणको मैदानी भागमा उस्ण हावापानी र कृषियोग्य भूमि भएकोलेपहाडी क्षेत्रबाट बसाइ सराइ गरी आएका मानिसको बाहुल्यता रहेको क्षेत्र हो । सामाजिक वनावटका आधारमा करिव ५५ प्रकारका जातजातिहरु मद्धे ३० प्रतिशत राई र २५ प्रतिशत ब्राम्हणछेत्री तथा बाँकी अन्य जातजाति वसोवास गर्दछन । जिल्ला सदरमुकाम पुग्न झापा भएर जानु पर्दछ । पछिल्लो समय चुलाचुलीमा बिकासका लहर छाउन थालेका छन । नेपाली काग्रेसबाट निर्वाचित गाउँपालिका अध्यक्ष राजेन्द्र केरुङ संग गरीएको कुराकानीको अंश ः

चुलाचुली गाउँपालिकाको समग्र अवस्था कस्तोे छ ?
चुलाचुलीको अवस्था मध्यान्न भन्दा माथी छ । हामी निर्वाचित भएर आए पछि हामीले हाम्रो घोषणा पत्र अनुसार नै काम गरीरहेका छौ । बजेट अनुसार बिकास निर्माणका काम द्रुत गतिमा हुँदै छ । घोषणापत्र अनुसार ८५ प्रतिशत लक्ष्य पुरा भएको छ । बिस्तारी सुधार हुँदै छ ।

देखिने गरीका बिकास निर्माणका काम कसरी हुँदै छन्?
हामीले पूर्वधारमा वडा नं. १ देखि ६ सम्मै ब्ल्कटप कालोपत्रे सडक शुरु गरी सक्यो । सबै वडामा कालोपत्रे पुरर्याएका छौ । यस अघि त्यो थिएन । हामीले अन्तरपालिका सडक निर्माण गरेका छौ । इलामको माङसेबुङ, गाउँपालिका , माई नगरपालिका , झापा कमल गाउँपालिका संग अन्तरपालिका सडक निर्माण् गरीरहेका छौ । झापा र मोरङका पालिका संग हामीले यो प्रकृतिको सडक निर्माण गरीरहेका छौ । यी देखिने गरीका काम हुँन । अरु भनेको शिक्षा, स्वास्थ्य र कृषि क्षेत्रमा थुप्रै काम भएका छन् ।

 

निर्वाचनका बेला निक्कै महत्वकाक्षी घोषणापत्र सार्वजनिक गर्नु भएको थियो, त्यो घोषणापत्र अनुसार काम भएका छन्?
अवश्य भएका छन । मैले काम गर्ने नै त्यही घोषणा पत्र अनुसार हो । हामीले के भनेका थियो भने बैंकबाट दिईने सामाजिक सुरक्षा भत्ता लिन आउदा साकफाराका नागरिकको एक पटकमा आठ हजार लिन आउदा चार हजार भाडा मात्र खर्च गर्नु पथ्र्यो । हामीले बोले अनुसार त्यो हामीले घर घर लैजान थालेका छौ । अपाङ्ग, अशक्तलाई त झन खोजी खोजी घरघरमै गएर सामाजिक सुरक्षा भक्ता दिने गरेका छौ । अर्को हामीले स्वास्थ्य बिमा सहन बनाउने भनेका थियौ । बनायौ पनि । स्वास्थ्य बिमाको प्रथम केन्द्र चाहि चुलाचुली नै राखेका छौ । लाइसेन्स लिएर त्यो राख्न हामी सफल भयौ ।अहिले एम.बी.बी.एस. डक्टर राखेर हामीले दैनिक दुई सय जनालाई सेवा दिएका छौ । जहा चाही चुलाचुलीमा एम्बुलेन्स नै थिएन, अहिले दुईवटा एम्बुलेन्स छन । कृषिमा सिमलतरुलको उद्योग स्थापना गर्ने भनेका थियौ । अहिले पालिका भरी सिमलतरुल खेती बिस्तार गरी सकेका छौ । सिमलतरुलबाट पिठो संगै साबुदाना उत्पादन गर्ने गरी अहिले काम थाली सकेका छौ ।

शिक्षा र स्वास्थ्य क्षेत्रमा के काम भएका छन्?
शिक्षामा हामीले चुलाचुलीका सबै बुहारीहरुलाई निशुल्क ११ , १२ पढाएका छौ । अहिले बुहारीले निशुल्क पढीरहेका छन । अर्को चाही हामीले सामुदायिक बिद्यालयलाई बस दिएका छौ । अनि चुलाचुलीका प्रत्येक आधारभुत बिद्यालयमा अग्रेजी माध्यम राखेका छौ । त्यसले भविश्यमा एउटा नतिजा निकाल्छ ।
स्वास्थ्यको क्षेत्रमा त्यहि हो । स्वास्थ्य बिमा ल्यायौ, डाक्टर राखेका छौ । नागरिकले सहज रुपमा स्वास्थ्य उपचार पाएका छन । पालिकामा १५ शैयाको अस्पताल तयारी अवस्थामा छ । प्रत्येक वडामा स्वास्थ्य चौकी निर्माण गरेका छौ । दलित , अपाङ्ग र अशक्तलाई हामीले स्वास्थ्य बिमा कार्यक्रममा सहज रुपमा सहभागी गराएका छौ ।

कृषि र पशुपालन नै तपाईको पालिकाको मुख्य ब्यवसाय हो, कृषि र पशुपालनको क्षेत्रमा के गर्दै हुनुहुन्छ ?
पशुको क्षेत्रमा वडा नं. १ देखि ६ सम्मै अनुदानमा डेरी संचालनमा ल्याएका छौ । बार्षिक रुपमा पशुपालन किसानलाई मागका आधारमा अनुदान दिएका छौ । दुध र दुधजन्य बस्तुको बजारीकरणमा पनि हामीले पहल गरीरहेका छौ ।

पर्यटनको क्षेत्रमा के गर्दै हुनुहुन्छ ?
केहि दिन अघि पर्यटन प्रवर्धन गर्नका लागि १० दिन सम्म ऐन पोखरी महोत्सव लगायौ । यो महोत्सवले यहिका नागरिकको आम्दानी बढाउने देखि पर्यटन प्रवर्धनको काम भएको छ । अव यो चुलाचुलीलाई हेर्ने दृष्टीकोण नै फरछ । यहाँ झगडा हुन्छ, काटमार हुन्छ भन्ने भ्रम छ । तर, ऐना पोखरी महोत्सवले त्यो भ्रम मात्र हो है भन्ने बनाएको छ । कुनै झगडा बिवाद बिनै महोत्सव सम्पन्न भयो । हामी स्थानीय स्तरमा उत्पादन भएका बस्तु र रैथाने खाना प्रर्वधनमा लागेका छौ । यस्ता स्टल राखेर भए पनि हामी पर्यटक संग जोडेर यस्ता बस्तुको प्रवर्धन गर्न लागि परेका छौ । यहाँ आन्तरिक पर्यटनको संभावना धेरै छ । चुरेको फेदमा छ यो पालिका छ । आगामी बर्षबाट ६ वटै वडामा पर्यटन प्रर्वधनका कार्यक्रम र बजेटको ब्यवस्था गर्छौ ।

सिमल तरुल ब्राण्ण्ङि गरिए पछि किसानलाई के फाईदा हुन्छ ?
यसका लागि हामीले एक बिगाहा जमिन प्राप्ती गरेका छौ । कोशी प्रदेशबाट पाएका छौ । अव तीन महिना भित्रमा घेराबारा सक्छौ । अर्को बर्ष देखि मेसिन ल्याएर उत्पादन शुरु गर्छौ । उद्योग शुरु भए पछि किसानले परिश्रमको मुल्य पाउछन् । गाउँघरमै उत्पादनको मुल्य पाएपछि किसानको आर्थक आय आर्जन बढ्छ र पालिका पनि समृद हुन्छ ।

चुलाचुलीका साख समस्या के हुन्?
आफनै सदरमुकाम जान एक दिन लाग्छ, त्यो पनि झापा भएर जानु पर्छ ।पूर्वाधारमा बाटोघाटोको समस्या छ , बर्खामा खोलाको समस्या छ । बिद्युतीकरणको अझै केहि समस्या छ । अव रोजगारी श्रृजना गरी जिविको पार्जनमा युवालाई जोड्नु हाम्रो मुख्य समस्या छ । बिद्यालय छोड्ने, कुलतमा लागने पनि युवाका समस्या छन् ।

संघ र प्रदेश संगको समन्वय कस्तो छ ?
हामी बजेट माग्न जाने हो संघमा, तर, माग गरे अनुसार बजेट पाईएको छैन । त्यो चाहि दुखद पक्ष छ । संघले पनि सबै पालिकालाई समाबेसी तरीकाले बजेट बितरण गर्नु पर्छ । तर, त्यहा के देखियो भने सांषद , मन्त्रीको पहुँचको भरमा बजेट बितरण गरेको पाइयो । यसरी समाबेसी रुपमा बिकास हुँदैन । लविङ त हामी गरी रहन्छौ तर, बजेट आउदैन । अव प्रदेशमा पनि त्यहि हो । प्रदेशबाट केहि बजेट चाहि हामीले ल्याएका छौ । प्रदेशका पनि योजना का संचालन हुन्छन, कहिले सम्पन्न हुन्छन हामीलाई थाहा हुँदैन । हामीले आपत्ती जनाएकै त्यहि हो । प्रदेशको काम गराईनै कच्चा खाल्को छ । सोचे जस्तो बजेट अनुसार काम भएनन्। योजना अनुगमन नियमन र रखदेख कस्ले गर्ने भन्ने स्पष्ट छैन । समन्वय भएमा धेरै काम राम्ररी गर्न सकिन्छ ।

तपाईको कार्यकालमा चुलाचुली गाउँपालिका कस्तो बन्छ?
हाम्रा नेताले भने जस्तो चुलाचुली सिंगापुर, अमेरीका चाईना बनाउछौ भन्दैनौ । चुचाचुलीलाई चुलाचुली नै बनाउने हिम्मत छ । तर, बस्न लायक चुलाचुली बनाउछौ । नागरिकका सबै खाले आवश्यक्ता पुरा गर्ने गरीको पालिका हामी बनाउछौ । चुलाचुलीको जे भूगोल छ, जस्तो बसाई छ, हाम्रो समुदायले जे आशा गरेको छ त्यो चाहि दिन्छौ ।

 

 

TOP