फिक्कल: इलामको सूर्योदय नगरपालिका १ गोर्खेमा रहेको हिमालय माध्यमिक बिद्यालयका बिद्यार्थीमा अनौठो रोग (समसया) देखा परेको छ ।केहिदिन देखि कक्षा ६ देखि ८ सम्म अध्ययनरत बिद्यार्थीमा एक्कसी चिच्याउने, बेहोस हुने, खिन्नता ब्यक्त गर्ने जस्ता अनौठो रोग देखा परेको हो ।
बिद्यालयका १० जना छात्रा र ३ जना छात्रमा आज सम्ममा उक्त समस्या देखिएको सूर्योदय नगरपालिका शिक्षा युवा तथा खेलकुद शाखाका स्रोत ब्यक्ति सुदर्शन खतिवडाले जानकारी दिनु भयो । उहाका अनुसार बिगत एक महिना देखि एक÷दुई जनामा गर्दै समुहमै समस्या आउन थालेको छ । बिद्यार्थीमा समस्या आए पछि सोमबार मनोपरामर्शदाता राजन श्रेष्ठ र स्रोत ब्यक्ति खतिवडा बिद्यालयमा गई काउन्सीलिङ गर्नु भएको छ । बिद्यालयमा प्रधानाध्यापक, शिक्षक र समस्या भएका बिद्यार्थीलाई अलगअगल राखेर काउन्सीलिङ गरीएको स्रोत ब्यक्ति खतिवडाले जानकारी दिनु भयो । मनोपरामर्शदाता श्रेष्ठले तनाव या अन्य कुनै कारणले बिद्यार्थीमा उक्त समस्या देखा परेको बताउनु भयो । उहाले उक्त समस्या मास कन्भर्सन डीसअर्डर भएको जानकारी दिदै केहि दिनको प्याकेजमा परामर्श दिईनु पर्ने बताउनु भयो । श्रेष्ठले भन्नु भयो‘बिद्यालयमा पहिलो समस्या भएको बिद्यार्थीलाई उपचार गराएमा अन्य बिद्यार्थीको समस्या अलि चाडो हल हुन्छ ।’ बिशेष गरी पारिवारीक रुपमा समस्या भएका बिद्यार्थीमा यस्तो समस्या देखिएको पाइएको छ ।
बिद्यालयका प्रधानाध्यापक कुल बहादुर इम्सङले बिद्यार्थीमा उक्त प्रकृतिको समस्या बढ्दै जादा अन्य बिद्यार्थीमा समेत भय उत्पन्न भएको जानकारी दिनु भयो । गत बर्ष सूर्योदयकै करफोक बिद्यामन्दिर माध्यमिक बिद्यालयका बिद्यार्थीमा लामो समय सम्म उक्त प्रकृतिको समस्या देखिएको थियो ।
