फिक्कल: सहकारीको रकम ठगेको आरोपमा इलाम नगरपालिका ६ का बेदनिदी पोख्रेललाई प्रहरीले पक्राउ गरेको छ ।सानिमाई चिया उत्पादन सहकारी संस्थाको ब्यवस्थापक रहँदा लाख ६३ हजार पाँच सय ३६ रुपियँया हिनामिना गरेको भन्दै पोख्रेललाई पक्राउ गरिएको हो ।
सानिमाई सहकारी संस्थाका अध्यक्षले जिल्ला प्रहरी कार्यालय इलाममा उजुरी दिएपछि प्रहरीले पोख्रेललाई पक्राउ गरेको जिल्ला प्रहरी कार्यालय इलामका सूचना अधिकारी प्रदिप सुवेदीले जानकारी दिनु भयो । नियन्त्रणमा लिईएका पोख्रेल माथी अदालतबाट म्याद थप गरी अनुसन्धान भइरहेको छ ।
सहकारी संस्थाले चिया उद्योग समेत सञ्चालन गरेको छ । सोही उद्योगको प्रशोधित चिया बिक्रिका क्रममा रकम हिनामिना गरेको सहकारीले जनाएको छ ।
