फिक्कल: इलामको सूर्योदय नगरपालिकाले वडा लक्षित अन्र्तगतका बाह्रमासे सडक कालोपत्रे गर्ने काम गर्दै आएको छ । प्रत्येक वडा सम्म बाह्ै महिना सवारी संचालन हुँने गरी सडक कालोपत्रे गर्ने काम गर्दै आएको हो ।
उक्त कार्यक्रम अन्र्तगत सूर्योदयको मानेडाँडाबाट अन्तुको छिरुवा जोड्ने सडक कालोपत्रे शुरु गरेको छ । ८ किलोमिटर मध्ये यस पटक पहिलो खण्डमा डेढ किलोमिटर कालोपत्रे गर्ने काम शुरु भएको छ । मानेडाँडा कट्टेबुङ, मझुवा हुँदै सूर्योदय ४ अन्तुको छिरुवा सम्म उक्त सडक लगिने छ । जुन सडक अन्तु जानका लागि सबै भन्दा छोटो दुरीको सडक हो ।
सूर्योदय नगरपालिकाको १ करोड र संघीय सरकारको १ करोड समपुरक अनुदान गरी २ करोडको लागतमा बुद्ध निर्माण सेवाले उक्त सडक कालोपत्रे गर्ने काम थालेको नगर प्रमुख रण बहादुर राईले जानकारी दिनु भयो । नगर प्रमुख राईले पहिलो चरणको काम सकिए पछि थप १ किलोमिटर सडक कालो पत्रे गरीरे बर्सेनी कालोपत्रेको काम अगाडी बढाईने बताउनु भयो ।
सोमकार सडक अनुगमन गर्दै नगर प्रमुख राईले पर्यटकीय क्षेत्र अन्तु जानका लागि बैकल्पिक तथा छोटो दुरीको मार्ग तयार हुँने बताउनु भयो । उहाले बर्खा हिलाम्मे हुँने उक्त सडक कालोपत्रे भए पछि स्थानीयलाई आउजाउ र ढुवानीमा सहज हुँनका साथै कृषि उपज बजार सम्म लैजान सहज हुने बताउनु भयो ।
नगरले १४ वटै वडामा बाह्ै महिना यातायत संचालन हुँने गरी सडक ग्राभेल र कालोपत्रे गर्ने काम गर्दै आएको छ ।
