काठ्माण्डौ: इलामको सूर्योदय नगरपालिकामा मालपोत र नापी कार्यालय स्थापना हुने भएको छ । मन्त्री परिषदको आजको निर्णयले सूर्योदयमा मालपोत र नापी कार्यालय स्थापना गर्ने निर्णय गरेको हो ।
नापी र मालपोत कार्यालय स्थापना गर्ने मन्त्रीपरिषदको निर्णय संगै संघीय मामिला तथा सामान्य प्रशासन मन्त्रालयले कर्मचारी दरबन्दी तेरिजको सूचना समेत प्रकाशन गरेको छ ।
मन्त्रालयले मालपोत तर्फ मालपोत अधिकृत सहित ९ जना कर्मचारी दरबन्दी तेरिजको सूचना प्रकाशन गरेको छ । यस्तै नापी तर्फ नापी अधिकृत सहित ८ जना कर्मचारीको दरबन्दी तेरिजको सूचना प्रकाशन गरेको छ । मन्त्रालयका अनुसार चार्ड कार्यलय स्थापना हुने छ ।
सूर्योदय नगरपालिकाका नगर प्रमुख रण बहादुर राईले नापी र मालपोत कार्यालय स्थापना भएपछि अव सूर्योदय सहितको ठूलो जनसंख्यालाई राहत मिलेको बताउनु भयो । तीन बर्ष अघि देखि नगर प्रमुख राई , उप–प्रमुख दुर्गाकुमार बराल सहितले पहल गर्नु भएको थियो । नगर उप–प्रमुख बरालले कार्यालय ब्यवस्थापन सहितको ब्यवस्था भएपछि तत्काल कार्यालय स्थापना हुने जानकारी दिनु भयो । मन्त्रालय स्रोतले १५ दिन भित्रमा कार्यालय स्थापना हुने जनाएको छ । मन्त्रालयका अनुसार कार्यक्षेत्र( अन्य पालिका) भने कार्यालयले नै तोक्ने जनाएको छ ।
इलाम बजारमा मालपोत र नापी भए पनि धेरै टाढाबाट धाएर जादा स्थानीयले काममा हैरानी ब्यर्होर्नु पर्ने बाध्यता थियो । सूर्योदय नगरपालिकाले मालपोत र नापी कार्यालय स्थापनाका लागि पहल गरीरहदा इलामकै केहि नेता भने उक्त कार्यालय स्थापना गर्न नदिन पटक पटक मन्त्रालय समेत धाएका थिए ।
