फिक्कल: इलामको चुलाचुलीमा गएराती चन्द्रबहादुर विष्टको घरमा आगलागि भएको छ। सोमबार राति १० बजे चुलाचुली गाउँपालिका– ६ तोरीवारीका विष्टको टिनको छानो र टिनको बेरा भएको एकतले घरमा आगलागी भएको हो ।
आगलागीबाट घर र घरभित्र भएका भाँडावर्तन,अन्नपात पूर्णरुपमा जलेर नष्ट हुँदा अन्दाजी ३ लाख २५ हजार बराबरको क्षति भएको प्रहरीले जनाएको छ ।
प्रहरी चौकी पेल्टिमारीका प्रहरी बरिष्ठ नायव निरीक्षक नारायणप्रसाद कुँवरका अनुसार नेपाल प्रहरी, दमक नगरपालिकाको बारुणयन्त्र र स्थानीयको सहयोगमा आगो नियन्त्रणमा लिइएको थियो । घर जलेपछि बिस्ट परिवार बिस्थापित भएको स्थानीयले जनाएका छन । पीडित परिवारलाई रेडक्रस लगायतले अति आवश्यक बस्तु उपलब्ध गराएका छन ।
