फिक्कल : सूर्योदय नगरपालिकाको आर्थिक बर्ष २०८२/०८३ को बार्षिक नीति ,बजेट तथा कार्यक्रमको साउन १९ गते सार्वजनिकीकरण कार्यक्रम गरीने भएको छ । नगरको आयोजनमा फिक्कल माध्यमिक बिद्यालयको प्राङ्गडमा एक समारोहको आयोजना गरी बार्षिक नीति ,बजेट तथा कार्यक्रमको सार्वजनिकीकरण गर्ने तयारी गरीएको हो ।
नगरले बर्षेनी बार्षिक नीति ,बजेट तथा कार्यक्रम सार्वजनिकीकरण कार्यक्रमको अवसरमा बिभिन्न कार्यक्रम गर्दै आएको छ । प्रत्येक बर्ष नगरले नगर क्षेत्रमा बिभिन्न बिधामा उत्कृष्ठ काम गर्ने ब्यक्ति तथा संस्थालाई सम्मान गर्दै आएको छ । यस बर्षको सार्वजनिकीकरण कार्यक्रममा इलाम क्षेत्र नं. १ का प्रतिनिधि सभा सदस्य महेश बस्नेतको प्रमुख आतिथ्यता र ललितपुर महानगरपालिकाका नगर प्रमुख चिरीबाबु महर्जनको बिशेष आतिथ्यतामा कार्यक्रम सम्पन्न हुने नगरपालिका स्रोतले जनाएको छ । उक्त अवसरमा बिभिन्न सांस्कृति कार्यक्रम समेत सम्पन्न हुने छन । नगरपालिकाले सबै सरोकारवाला र नगरबासीलाई कार्यक्रममा उपस्थित हुन अनुरोध समेत गरेको छ ।आर्थिक बर्ष २०८२/०८३ का लागि नगरपालिकाले गत जेठ १० गते १ अर्व ४० करोडको बजेट प्रस्तुत गरी पारित गरेको थियो ।
