फिक्कल: सूर्योदय नगरपालिका ११ को पुन्य स्मारिका आधारभुत बिद्यालयको ३७ औं बाािर्षक उत्सव कार्यक्रम सम्पन्न भएको छ । बिद्यालयले खेलकुद , सांस्कृति कार्यक्रम तथा सम्मान कार्यक्रम सहित ३७ औं बार्षिक उत्सव मनाएको हो ।
बिद्यालय ब्यवस्थापन समितिका अध्यक्ष महेश राईको अध्यक्षता तथा सूर्योदय नगरपालिका शिक्षा युवा तथा खेलकुद शाखा प्रमुख योगनिधि भट्टराईको प्रमुख आतिथ्यतामा सम्पन्न कार्यक्रममा बर्ष उत्कृष्ठ शिक्षकको रुपमा सुजन खत्रीलाई सम्मानीत गरीयो । त्यस्तै बिद्यालय ब्यवस्थापन समिति सदस्य चन्द्रमान राई, शिक्षक अविभावक संघका सदस्य रोषन रेग्मी र अविभावक बविता लिम्बुलाई उत्कृष्ठ कार्य गरे बापत सम्मान गरीएको थियो । यस्तै उत्कृष्ठ र अनुसासित बिद्यार्थीलाई समेत सम्मान गरीएको छ । बिद्यालयको बार्षिक उत्सवको अवसरमा आयोजित बिभिन्न प्रतियोगिताका बिजेता उप बिजेता बिद्यार्थीलाई समेत पुरस्किृत गरीयो ।
बिद्यालयका प्रधानाध्यापक डिल्लीरमण पौडेलले २०७२ साल देखि बिद्यालयले बाल बचत शुरु गरेको जानकारी दिनु भयो । उहाले आगामी शैक्षिक सत्र देखि कक्षा ९ को पढाई शुरु गरी बिद्यालयलाई माध्यमिक स्तरमा संचालन गर्न पहल थालिएको जानकारी दिनु भयो । शाखा प्रमुख भट्टराईले उक्त बिद्यालयले शैक्षिक गुणस्तर सुधार गर्दै लगेको जानकारी दिनु भयो । उहाले बिद्यालयले पढाईका अवला अन्य क्रियाकलाप समेत राम्रो गरेको जानकारी दिनु भयो । कक्षा ८ सम्म अग्रेजी माध्यममा पठनपाठन हुदै आएको उक्त बिद्यालयमा पछिल्लो समय बिद्यार्थी संख्या बढने क्रम जारी छ ।
