फिक्कल: इलामको सूर्योदय नगरपालिकाले जिल्लामै पहिलो पटक अनलाईनबाट नागरिकताको सिफारिस शुरु गरेको छ । सूर्योदय नगरपालिका वडा नं. २ को पशुपतिनगरमा मंगलबार आयोजित एक कार्यक्रमका बिच अनलाईनबाट नागरिकताको सिफारिस गर्ने कार्यको शुभारम्भ गरीएको हो ।
अव नगरका १४ वटै वडाले अनलाईन प्रणालीबाट नागरिक्ता सिफारिस गरीने नगरका प्रमुख प्रशासकीय अधिकृत मिलन भट्टराईले जानकारी दिनु भयो । वडा नं. २ का अध्यक्ष डिक बम्जनले अनलाईन प्रणाली शुरु भैसक्दा स्थानीय सुसन राईलाई नागरिक्ता दिन सिफारिस गर्नु भएकोमा मंगलबार नै सीमा प्रशासन कार्यालय पशुपतिनगरले अनलाईन बिवरणका आधारमा राईलाई नागरिक्ता दिएको छ ।
सीमा प्रशासन कार्यालय पशुपतिनगरका प्रमुख होमनाथ पोख्रेलले अनलाईन प्रणालीबाट नागरिक्ता सिफारिस हुँन थालेपछि गलत नागरिक्ता सिफारिस रोकीने, बिवरणमा फरक नपर्ने , काम छिटो हुने ,टाइप गरीरहनु नपर्ने र अभिलेख ब्यवस्थापनमा सजिलो हुने जानकारी दिनु भयो । कार्यालय प्रमुख पोख्रेलले भन्नु भयो‘अव दिनमा जति नागरिकताको सिफारिस आए पनि हामी एकै दिनमा नागरिकता उपलब्ध गराउन सक्छौ’। उहाले अव एउटा नागरिकता दिन जम्मा ५ मिनेट मात्र समय लाग्ने जानकारी दिनु भयो ।
वडा कार्यालयले नागरिकताको सिफारिस पठाउदा गृह मन्त्रालय अन्र्तगत जिल्ला प्रशासन कार्यालय र सीमा प्रशासन कार्यालयले चलाउने अनलाईन सिस्टम सिआइएनएसमा प्रवेश गरेर पठाउने ब्यवस्था मिलाइएको छ । उक्त सिफारिस सिआइएनएसमा देखाए पछि नागरिकता दिने प्रक्रिया शुरु गरीने प्रमुख पोखरेलले जानकारी दिनु भयो ।
सूर्योदय नगरपालिका वडा नं. २ का वडाध्यक्ष डिक बम्जनले उक्त प्रणाली शुरु भएपछि स्थानयिले नागरिकता लिनका लागि खर्चनु पर्ने समयको बचत हुने जानकारी दिनु भयो । इलामका प्रमुख जिल्ला अधिकारी कल्पना श्रेष्ठका अनुसार जिल्लाका अन्य पालिकामा समेत उक्त प्रणाली संचालन गरीने छ । ‘कात्तिक महिना भित्रमा जिल्लाका सबै पालिकामा यो सेवा संचालन भैसक्ने छ’ प्रजिअ श्रेष्ठले भन्नु भयो ।
जिल्ला प्रशासन कार्यालयले सूर्योदय र माइृजोगमाई गाउँपालिकाका वडाध्यक्ष, वडा सचिव र सूचना प्रविधि अधिकृतलाई उक्त सेवा सम्वन्धि तालिम दिएको छ । गृह मन्त्रालयका कम्प्युटर अधिकृत सुदर्शन न्यौपाने र कम्प्युटर अपरेटर राजकुमार चौधरीले तालिम दिनु भई सिआइएनएस सिस्टमको युजरनेम र पासवर्ड समेत उपलब्ध गराउनु भएको छ ।
माईजोगमाई गाउँपालिकामा तत्काल उक्त सेवा शुरु गर्ने गाउँपालिका उपाध्यक्ष प्रविना राईले जानकारी दिनु भयो । इलाम नगरपालिकामा समेत तालिम संचालन गरीएको छ । इलाम नगरले पनि उक्त सेवा शुरु गरेको छ । सन्दकपुर गाउँपालिकाले समेत उक्त प्रणाली मार्फत नागरिकताको सिफारिस गर्ने भएको छ । अन्य पालिकामा तालिम पश्चात सेवा शुरु गरीने छ ।
