फिक्कल: बिश्व वातावरण दिवस २०२४ को अवसरमा फिक्कल बजार क्षेत्रमा सरसफाई गरीएको छ । दिवसको अवसरमा सूर्योदय नगरपालिकाको बन वातावरण तथा बिपद ब्यवस्थापन शाखाको आयोजना तथा बिभिन्न संघ संस्थाको सहकार्यमा सरसफाई गरीएको हो ।
फिक्कल बजारको गुम्बा पार्कबाट शुरु भएको सरसफाई कार्यक्रम फिक्कल बजारका चोकचोकमा गरीएको थियो ।
सरफाई कार्यक्रममा नगरका जनप्रतिनिधि, कर्मचारी सहित फिक्कल प्रहरी चौकी , शसस्त्र प्रहरीको आईतबारे बेस क्याम्प, सहारा नेपाल बचत तथा ऋण सहकारी संस्था, नेपाल बहुउद्देश्य सहकारी संस्था, फिक्कल युनाईटेड क्लब, सूर्योदय होटल ब्यवसायी संघ , फिक्कल जेसीज लगायतका संघ संस्थाले कार्यक्रममा सहकार्य गरेको नगरपालिकाको बन वातावरण तथा बिपद ब्यवस्थापन शाखा प्रमुख इश्वरी अधिकारीले जानकारी दिनु भयो ।
यस्तै बिश्व वातावरण दिवस २०२४ को अवसरमा नगरमा जलबायु परिवर्तन तथा वातावरण संरक्षण बिषयमा छलफल गरीएको छ । कार्यक्रममा झापाको मेची क्याम्पस झापाका वातावरण जिव बिज्ञान संकायका बिद्यार्थीले कार्यपत्र प्रस्तुत गरेका थिए ।बिद्यार्थी दिपा खतिवडा, मुकेश कठेत, दिनेश भट्टराई लगायतले वातावरण संरक्षणको अभावमा जिवजन्तु , बनस्पतीमा असर पर्दा जलवायु परिवर्तनको असर देखिएको औल्याएका थिए । सोही कार्यक्रममा जलबायु परिवर्तन र वातावरण शिक्षकमा वालवाईड कन्जरभेसनमा काम गर्दै आउनु भएकी दिपा राईले प्रस्तुतीकरण राख्नु भएको थियो ।कार्यक्रममा नगर प्रमुख रण बहादुर राईले वातावरण संरक्षण गर्न प्रत्येक नागरिक सचेत बन्नु पर्ने बताउनु भयो ।
बिश्व वातावरण दिवस २०२४ को अवसरमा सूर्योदय ३ को बुद्धपार्कमा सूर्योदय जेसीजले बिक्षारोपण गरेको छ । सूर्योदय जेसीजका अध्यक्ष अविषेक पौडेलले बिभिन्न प्रजातीका बिरुवा रोपीएको जानकारी दिनु भयो ।
नगरको बन वातावरण तथा बिपद ब्यवस्थापना शाखाका संयोजक राजकुमार लिम्बुका अनुसार नगरमा बर्सेनी ५० हजार बिरुवा रोपीदै आएको छ ।
