डाइमण्ड तिम्सिना:
रोङ गाउँपालिका महिला संग उपाध्यक्ष कार्यक्रम अन्तर्गत रोङ गाउँपालिकामा प्रथम जिल्ला स्तरीय महिला नकआउट फुटबल प्रतियोगिताको फाईनलमा त्रिवेणी र कुटिडाँडा भिड्ने भएका छन् ।
बिहिवार भएको २ सेमिफाईनल खेलमा पहिलो सेमिफाइनल खेल बुद्दशान्तिलाई १ गोल ले पछि पार्दै कुटिडाँडा महिला फुटबल क्लवले जित दर्ता गरेको छ । दोस्रो सेमिफाइनल खेलमा त्रिवेणी फुटबल क्लव इलामले आयोजक टिम लाई १गोल ले नै पछि पार्दै फाईनल यात्रा पक्का गरेको छ।फाईनल खेल शनिबार दिउँसो २ वजे शान्ति निकेतन नमुना मा वि को खेल मैदानमा हुनेछ।
फाईनल बिजेता ले नगद ५० हजार ,ट्रफी ,मेडल र प्रमाणपत्र प्राप्त गर्नेछन् ,भने उपबिजेताले नगद ३० हजार मेडल र प्रमाणपत्र प्राप्त गर्नेछन् ।
मंसिर २६ गतेदेखि श्री शान्ति निकेतन नमुना बिद्यालयको खेलमैदानमा सुरु भएको प्रतियोगितामा इलाम जिल्ला भरिका ७ र झापाको १ टिम बुद्दशान्तिले भाग लिएका थिए ।उद्घाटनमा रोङ गाउँपालिका अध्यक्ष मणिकुमार स्याङ्बो,उपाध्यक्ष बिश्णुमायाँ खवास ,जिल्ला फुटबल संघका अध्यक्ष बिक्रम श्रेष्ठ ,विभिन्न खेलका प्रशिक्षक,रेफ्रि खेल कर्मीको उपस्थिति रहेको थियो ।
रोङ गाउँपालिकाको महिला संग उपाध्यक्ष कार्यक्रम अन्तरगत १ लाख र विभिन्न प्रायोजक गरि प्रतियोगिता संचालन गरेको आयोजक समितिका अध्यक्ष सिजन खवासले बताउनु भयो।
प्रतियोगितामा मेडल,ट्रफी र प्रमाणपत्र प्रज्वल विल्डर्सका प्रोप्राईटर जुद्द बिक्रम कुवर र बैदेशिक रोजगारीमा रहेका मोहन पान्दकले नगद १५ हजार सहयोग गरेका छन।
