फिक्कल: लैङ्गिक हिंसा अन्त्यको सुनिशिचतता,महिला र बालबालिकामा लगानिको ऐक्यबद्बता भन्ने मुल नारका साथ यस वर्षको लैगिंक हिंसा विरुद्बको १६ दिने अभियान सूर्योदय नगरपालिकामा समापन गरिएको छ ।महिला बालबालिका तथा समाज कल्याण शाखाको आयोजना र नगरका १४ वटा सहित नगर भित्र रहेका विभिन्न सामाजिक संघ संस्थाको समन्वयमा १६ दिन सम्म विभिन्न कार्यक्रम गरी आज फिक्कलमा एक कार्यक्रा गरी समापन गरिएको हो ।
नगर उप प्रमुख दुर्गा कुमार बरालको अध्यक्षतामा तथा सूर्योदय नगरपालिकाका नगर प्रमुख रणबहादुर राईको प्रमुख आतिथ्यतामा कार्यक्रम सम्पन्न भएको छ ।
नगर प्रमुख राईले हिंसा के को कारण भएको भन्ने पत्ता लगाई अन्त्य गर्न तर्फ नगर लागेको बताउनु भयो । नगरले छोरी र बुहारीलाई शिक्षा, बाल बचत, बालमैत्री नगरपालिका हुँदै अगाडि बढेको बताउनु भयो । उहाँले आगामी दिनमा नारा हैन बहसको माध्यमबाट यस्ता अभियान संचालन गर्ने बताउनु भयो । नगर उप प्रमुख दुर्गा बरालले कुटपिट गर्नु मात्र हिंसा नभई बोली ब्यवहारमा गरिने कार्य पनि हिंसा भएको बताउनु भयो । बरालले नगरका सार्वजनिक कार्यक्रममा वडाध्यक्ष उपस्थित नभएको भन्दै गुनासो गर्नु भयो । उहाले वडाध्यक्षले वडाका काम मात्र गरेर नहुँने भन्दै यस्ता कार्यक्रममा सक्रिय सहभागिता जनाउनु पर्ने बताउनु भयो । उक्त कार्यक्रममा १४ वटै वडाका वडाध्यक्षलाई बोलाईए पनि वडा नं. ९ का वडाध्यक्ष देवेन्द्र शर्मा मात्र उपस्थित रहनु भएको थियो ।
यस्तै प्रमुख प्रशासकीय अधिकृत मिलन भट्टराईले लैङ्गकि हिंसा अन्तर्राष्ट्रिय स्तरमै भएकाले यो अभियान विश्व भरी नै चलेको बताउनु भयो । उहाँले नेपाल एउटा कानुनी राज्य भएको हुँदा कानुनको पालना सही ढंगले गर्न सके यस्लाई न्युनिकरण गर्र्न सकिने बताउनु भयो । कार्यक्रममा महिला बालबालिका शाखाकी प्रमुख तारा शेर्पाले स्वागत मन्तव्य राख्दै १६ दिन सम्म भएको कार्यक्रमको विवरण प्रस्तुत गर्नु भएको थियो । उहाँले नगरमा हाल घरेलु हिंसा ७ वटा,न्यायीक समितिमा २२ वटा, जग्गा सम्बन्धि १९ वटा मुद्धा परेको र ६ वटा प्रकृयामा नै रहेको बताउनु भयो । उहाँले गत बर्षको भन्दा केही घटना बढेको जानकारी दिनु भयो ।
कार्यक्रममा जिल्ला समन्वय समिति उप प्रमुख चित्रकला बराइलीले महिलाले गरेका कार्यक्रममा महिला मात्र, जनजातीले गर्ने कार्यक्रममा जनजाती मात्र र बालबालिकाका कार्यक्रममा बालबालिका मात्र उपस्थित हुँनु दुखद भएको बताउनु भयो । कार्यपालिका सदस्य लत्तादेवी अधिकारीले ५८ हजर जनसंख्या रहेको नगरमा ११ वटा घटना मात्रै दर्ता भएको हुँदा लैङ्गकि हिंसामा नगर कहाँ छ भन्ने बुझ्न सकिने बताउनु भयो । उहाले यो अभियान रूपमा नभइ कुनै न कुनै माध्यमबाट निरन्तरता दिनुपर्ने बताउनु भयो । कार्यक्रममा सूर्योदय नगर बाल संजालका अध्यक्ष्य निरोज चम्मलिङ राई ,सूर्योदय महिला मन्चकी अध्यक्ष अमृता राई , माइति नेपाल पशुपतिनगरका प्रमुख होम ढकाल, शक्ति समुहका खगेन्द्र ढुंगाना लगायतले शुभकामना मन्तव्य राख्नु भएको थियो ।
। समापनको अवसरमा सूर्योदय महिला मंचकी सचिव साधना फागोलाई सम्मान गरिएको थियो । उहालाई मानव अधिकार मन्च नेपाल,लगायत विभिन्न संघ सस्थामा रही हिंसा विरुद्ध गरेको कामको कदर गर्दै कदर पत्र,दोसल्ला र नगद पाँच हजार रुपैयाँले सम्मान गरिएको छ । यस्तै बालबालिका शाखाको कोषमा रहेको नगद ११ हजार कृष्ण आधारभूत विध्यालयमा कार्पेट खरिदका लागी प्रदान गरिएको छ ।उक्त रमक गीतकार महेश आचार्यबाट १० हजार र साना सिंचाई आयोजना फिक्कल क्लष्टर प्रमख केशब लामाबाट १ हजार गरी ११ हजार प्राप्त भएको थियो । कार्यक्रम अघि बिभिन्न नारा सहित फिक्क्ल बजार परिक्रमा गरिएको थियो ।
