फिक्कल
इलामकाे स”र्याेदय नगरपालिकाले आगामी आर्थिक वर्ष २०८२/०८३ काे लागि एक अर्ब चालीस कराेड रूपयाकाे बजेट पारित गरकाे छ । १७ औं नगरसभाकाे तेस्रो बैठकमा नगरपालिकाका उपप्रमुख दुर्गाकुमार बरालले पेश गरेकाे एक अर्ब चालीस कराेड तीन लाख सत्र हजार दुई सय २० रूपैयाँकाे बजेट पारित भएकाे हाे । नगरसभाकाे चौथाे बैठकमा नगरसभा सदस्यहरूले बजेटकाे विषयमा धारणा राखेका थिए । सभामा मणीराज राई, चन्दा मैनाली, श्याम कृष्ण कटुवाल, विमल राई, पुण्यप्रसाद पाेख्रेल, गणेशकुमार खड्का र कमलप्रसाद गड्तौलाले आर्थिक विधेयक र विनियोजन विधेयक र सार्वजनिक महत्त्वकाे विषयमा ध्यानाकर्षण गराएका थिए ।
नगरसभामा बजेट तथा सार्वजनिक महत्त्वका प्रस्तावकाे नगरप्रख रणबहादुर राईले संवाेधन गरेपछि सभाले बजेट पारित गरेकाे हाे । नगर प्रमुख राईले स्रोतकाे चापकाे बाबजुद दीगो विकासका लक्ष हासिल गर्नेगरी बजेट विनियोजन गरेकाे बताए । नगरपालिकाले आगामी आर्थिक वर्षका लागि विनियोजन गरेकाे रकम मध्ये एक अर्ब आठ कराेड तीन लाख सत्र हजार ३२० रूपैया स्थानीय सञ्चित काेषबाट र ३२ कराेड रूपैयाँ अन्तर सरकारी अख्तियारी अन्तरग संघीय काेषबाट खर्चहुने प्रक्षेपण गरेकाे छ । नगरपालिकाले चालू खर्चकाे लागि ६८ कराेड ३१ लाख ३७ हजार २२० रूपैया र पुजीगत खर्चको लागि ३९ कराेड ७१ लाख ८० हजार रूपैयाँ विनियोजन गरेकाे नगरपालिकाका प्रबक्ता ख्याम भुजेलले जानकारी दिए ।
प्रबक्ता भुजेलका अनुसार नगरपालिकाले कृषि तथा खाद्य सुरक्षा क्षेत्रमा सात करोड ५४ लाख ५० हजार रूपैयाँ , पशुपन्छी विकासमा एक कराेड छ लाख ९२ हजार, जलस्रत तथा सिचाइ क्षेत्रमा एक कराेड दुई लाख नौ हजार रूपैयाँ विनियोजन गरिएको छ । त्यस्तै उद्योग व्यापार व्यवसाय श्रेत्रमा ५८ लाख ६० हजार, पर्यटन तथा संस्कृति क्षेत्रमा दुई करोड ६१ लाख ८० हजार रूपैयाँ , सहकारी व्यवस्थापनमा १६ लाख ५० हजार, सुकुम्बासी तथा अव्यवस्थित बसाेबासकाे लागि आठ लाख रूपैयाँ श्रम तथा राेजगारी क्षेत्रमा ५८ लाख ७४ हजार ७२० रूपैयाँ , जनसंख्या तथा पाेषण क्षेत्रमा नौ करोड २३ लाख ७१ हजार रूपैयाँ विनियोजन गरिएकाे छ ।
त्यस्तै शिक्षा कला भाषा र संस्कृति क्षेत्रमा ३७ कराेड ५७ लाख ८१ हजार रूपैयाँ , महिला बालबालिका सामाजिक संरक्षण र समावेशीकरण क्षेत्रमा एक कराेड ४४ लाख ७१ हजार रूपैयाँ , युवा तथा खेलकुदमा ८० लाख ६९ हजार, वन भूसंरक्षण र जैविक विविधता दस लाख, वातावरण तथा फाेहाेरमैला व्यवस्थापनमा ७२ लाख ६५ हजार विनियोजन गरिएको छ । विपद् जाेखिम व्यवस्थापन तथा जलवायु परिवर्तन अनुकूलमा दुई कराेड ४९ लाख ५० हजार रूपैयाँ, यातायात पूर्वाधारमा १९ करोड ९० लाख ५० हजार रूपैयाँ विनियोजन गरेको छ ।
नगरपालिकाले भवन आवास वस्ती र सहरी विकासमा एक कराेड ४४ लाख ४६ हजार रूपैयाँ, उर्जा क्षेत्रमा नौ लाख रूपैया , सूचना प्रविधि क्षेत्रमा ४६ लाख ५० हजार रूपैयाँ विनियोजन गरेको छ । पालिकाले आमदानी तर्फ भने आन्तरिक राजस्व र राजस्व बाडफाडबाट २२ कराेड ५७ लाख ११ हजार रूपैयाँ आम्दानी हुने अनुमान गरेकाे छ । त्यस्तै संघीय सरकारबाट ६४ कराेड ४३ लाख रूपैयाँ र प्रदेश सरकारबाट चार कराेड ४४ लाख ८१ हजार रूपैयाँ प्राप्तिहुने अनुमान गरिएको छ । नगरसभाकाे अर्को बैठक असार २१ गते बस्ने छ ।
