नागरिकहरुको लागि आधारभुत आवश्यक्ता बनेको बिद्युत बिस्तार र ब्यवस्थापनलाई चुस्त बनाउन रोङ गाउँपालिकाले बिशेष पहल शुरु गरेको छ । गाउँपालिका भित्र पूर्ण र सुरक्षित बिद्युत बिस्तार र बितरण गराउन चालु आर्थिक बर्षमा सबै काठेपोल बिस्तापन र टान्सफर्मरको संख्या थपेर स्तरीय सेवा दिन गाउँपालिका निरन्तर प्रयासमालागेको हो ।
पूर्ण बिद्युतीकरण परियोजना अन्तरगत अधुरो योजना पुरा गर्ने लक्ष्य रहेको गाउँपालिका उपाध्यक्ष बिण्णुमाया खवासले जानकारी दिनु भयो । क्षमता अनुसारको टान्सफर्मर जडान साथै असुरक्षित काठेपोल रहेको बिबरण संकलन गरिने भएको छ । आवश्यक तथ्यांक सकलन गरि पालिकाले निर्माण गर्ने एकिकृत योजना निर्माण गरी सबै वडालाई आवश्यक पत्रचार गरिएको पालिकाले जनाएको छ ।
कृषिमा निर्भर गाउँपालिकामा दुग्ध चिस्यान केन्द्र,गुन्द्रुक उत्पादन जस्ता साना उध्योगमा सहज बिद्युत आपूर्ती गरेर लागत घटाउन नियमित बिद्युत सेवा प्रवाहको आवश्यक्ता रहेकोले आधारभूत सेवा र आर्थिक समृद्धीकोसुरक्षित र स्तरीय बिद्युत सेवालाई प्राथमिकता गाउँपालिकाले दिएको गाउँपालिका अध्यक्ष मनिकुमार स्याङ्वोले बताउनु भयो ।
गाउँपालिकामा हाल आधा दर्जन जति टान्सफर्मर र ६ सय जति फलामे पोल थप्नु पर्ने अनुमान गरिएको भएपनि डिटेल सर्बे गर्ने काम भैरहेको र ठेक्का प्रक्रियामा समेत गैसकेको जनाईएको छ ।
