फिक्कल : इलामको सूर्योदय नगरपालिका १० फिक्कल ड्रग्स कारोबारीमा संम्लग्न दुइृजनालाई शसस्त्र प्रहरीले पक्राउ गरेको छ । फिक्कल बजारको झापा स्टेन्डमा रहेको घडी तथा मोवाईल पसलबाट ड्रग्स कारोबारीमा संम्लग्न रहदै गर्दा शसस्त्र प्रहरी टोलीले पक्राउ गरेको हो ।
चार सय ४० मिलिग्राम ड्रग्स सहित सूर्योदय नगरपालिका १० का घडी तथा मोवाईल मर्मत पसलका संचालक ४० बर्षीय छिनम तामाङ र खरिद गर्ने अभिषेक राईलाई ड्रग्स सगै प्रहरीले पक्राउ गरेको छ । सानो चारवटा पोकामा रहेको तीन सय ३० मिलिग्राम ड्रग्स बेच्दै गर्दा र एक सय १० मिलिग्राम ड्रग्स पसलबाट प्रहरीले नियन्त्रणमा लिएको छ ।
शसस्त्र प्रहरी बल आईतबारे बेस क्याम्पका शसस्त्र प्रहरी निरीक्षक कमल थानीको कमाण्डमा खटीएको टोलीले ड्रग्स सहित तामाङ र राईलाई पक्राउ गरेको हो । शसस्त्र प्रहरीले पक्राउ गरी ड्रग्स सहित दुबै कारोबारीलाई इलाका प्रहरी कार्यालय पशुपतिनगरको जिम्मा लगाएको जनाएको छ । इलाका प्रहरी कार्यालय पशुपतिनगरका प्रहरी निरीक्षक बिष्णु खड्काले पक्राउ परेका दुबै जनालाई इलाका प्रहरी कार्यालयमा राखी अनुसन्धान शुरु गरिएको जानकारी दिनु भयो । पक्राउ गरीएका दुबै जनालाई लागु औषध ओसार पसार तथा बेचबिखन बिरुद्ध मुद्धा चलाईने प्रहरीले जनाएको छ । पछिल्लो समय फिक्कल बजार आसपासमा लागु औषध प्रयोग कर्ता र बिक्रेता समेत बढ्दै गएको पाईएको छ ।
