फिक्क्ल: स्वदेशी पर्यटकको रोजाईमा रहेको इलामको पर्यटकीय स्थल कन्याममा एटिभी राईड(चार पाङग्रे बाईक) को सेवा संचालन गरिएको छ ।
सूर्योदय नगरपालिकाको कन्याम क्षेत्रमा कन्याम एडभेन्चर प्रालिले आन्तरिक तथा बाह्य पर्यटकलाई लक्षित गरिसाहासिक यात्रा गर्ने पर्यटकका लागि दुईवटा एटिभी राईड(चार पाङग्रे बाईक) को सेवा शुक्रबारबाट शुरु गरेको हो ।
एक कार्यकमका विच सूर्योदय नगरपालिकाका नगर प्रमुख रण बहादुर राईले राईडको उद्घाटन गर्नु भयो । उद्घाटन गर्दै नगर प्रमुख राईले कन्याममा पर्यटकका लागि नयाँ आयाम थपिएको जानकारी दिनु भयो । कार्यक्रममा उप प्रमुख दुर्गा कुमार बराल सहितका ब्यक्ति सहभागी हुनुहुन्थ्यो ।
कन्याम चियाबगान भित्रको बाटोमा विभिन्न प्याकेजमा यात्रा गराइने कम्पनीका राम प्रसाद उपाध्यायले बताउनु भयो । सूर्योदय नगरपालिका वडा नं. ७ का अध्यक्ष लोक बहादुर राईले घोडचढी संगै थपिएको राईडले स्वदेशी पर्यटकलाई कन्याममा थप आर्कषित गर्ने बताउनु भयो ।
नगरपालिकाले कन्याममा सिसाको पुल निर्माण गरीरहेको छ भने निजि कम्पनीले कन्याममा स्काई वाल्क निर्माण गरी संचालन गरीरहेको छ । कन्याममा दैनिक रुपमा हजारौ पर्यटक घुम्न आउने गरेका छन ।
