फिक्कल: पर्यटन प्रवर्धन गर्ने उद्देश्यले इलामको पर्यटकीय क्षेत्र अन्तुमा फोटो प्रदर्शनी गरीएको छ ।
देशका बिभिन्न स्थानमा फोटो पदर्शनी गरीरहेको ‘अठोट नेपाल’ले अन्तुमा पर्यटन, संस्कृत , भेषभूषा र पर्यावरण झल्कीन ५० वटा फोटो प्रदर्शनी गरिएको हो ।
देशका विभिन्न स्थानमा खिचिएका नेपालको संस्कृति, कला, प्राकृतिक, वाइडलाइफका तस्बिर प्रदर्शनीमा राखिएको अठोट नेपालका संयोजक देवेन्द्र शाही ठकुरीले जानकारी दिनु भयो ।
फोटो प्रदर्शनीमा इलामको रोङ गाउँपालिका अध्यक्ष मनीकुमार स्याङबो, सूर्योदय नगरपालिकाका उप प्रमुख दुर्गा कुमार बराल, प्रमुख प्रशासकीय अधिकृत मिलन भट्टराई लगयात जनप्रतिनिधि, स्थानीय पर्यटन ब्यवसायी नेपाल र भारतका संचारकर्मीले फोटोको अवलोकन गर्नु भएको थियो । नेपाल पत्रकार महासंघ इलाम शाखाका अध्यक्ष बिप्लव भट्टराईले एकै ठाउँमा रहेर नेपाल झल्कने तस्विर अवलोकन गर्न पाएको बताउनु भयो ।
फोटो प्रदर्शनीमा रोङ गाउँपालिका अध्यक्ष स्याङबोले फोटोका माध्यमबाट प्रर्यटन प्रवर्धनमा ठूलो सहयोग पुग्ने बताउनु भयो ।अठोट नेपालले यसअघि हेटौँडा र जनकपुरमा मा फोटो प्रदर्शनी गरेको थियो।
