फिक्कल: प्रविधिमैत्री शिक्षामा फड्को मोरेको इलामको सूर्योदय नगरपालिकाले बिज्ञान तथा गणित प्रदर्शनी भएको छ । सूर्योदय नगरपालिकाको कन्याममा आयोजित प्रदर्शनीमा नगर क्षेत्रका सामुदायिक र संस्थागत बिद्यालय गरी २९ वटा बिद्यालयका २ सय २२ वटा प्रोजेक्ट प्रतियोगितामा बिद्यालयले सहभागी गराएका छन् ।
आधाभूत र माध्यमिक बिद्यालयका छुट्टाछुट्टै प्रतियोगितामा प्रथम दोस्रो र तेस्रो हुनेले क्रमशः २०, १५ र १० हजार रुपियाँका दरले पुरस्कार पाउने शिक्षा युवा तथा खेलकुद शाखाका प्राविधिक सहायक नविन पौडेलले जानकारी दिनु भयो ।
शुक्रबार नगर प्रमुख रण बहादुर राईले प्रतियोगिताको उद्घाटन गर्नु भयो । उहाले गणित र बिज्ञान प्रदर्शनीले बिद्यार्थीलाई ब्यवहारीक बनाउदै बिज्ञान र गणितका ज्ञानलाई ब्यवहारमा उतारी स्थानीयकरण गर्न सहयोग पुग्ने बताउनु भयो । उहाले भन्नु भयो‘शिक्षलाई प्राविधिक , ब्यवसायिक र रोजगार मुलक बनाउन सहयोग पुगोस भनेर यो कार्यक्रमको आयोजना गरीएको हो ।’ दुई दिन सम्म चल्ने प्रदर्शनीमा बिद्यार्थीले नमुना सहरको संरचना, भोल्क्यानो, एकीकृत बस्ती, बाढी पहिरो र भुकम्प जस्ता प्राकृतिक प्रकोपबाट बच्ने उपाय स्टलको रुपमा राखेका छन ।
नगरले १२ महिना १२ कार्यक्रम अन्र्तगत पाँच बर्षै देखि प्रदर्शनी गर्दै आएको छ । शिक्षा युवा तथा खेलकुद शाखा प्रमुख योगनिधि भट्टराईले बिद्यार्थीको चौतर्फ बिकास गर्नका लागि कार्यक्रम आयोजना गरीएको जानकारी दिनु भयो । उहाले बिगतका बर्ष भन्दा परिस्कृत खासलका सामग्री बिद्यार्थीले निर्माण गरेको जानकारी दिनु भयो । नगरले यस अघि नै फिक्कल माध्यमिक बिद्यालयमा बिज्ञान प्रयोगशालाको स्थापना गरीसकेको छ ।
