फिक्कल: इलामको रोङ गाउँपालिका ३ कुट्टीडाँडामा अर्गानिक कपुरधुप बनाउने तालिम सम्पन्न भएको छ । सहारा नेपाल बचत तथा ऋण सहकारी संस्था लिमिटेडको आयोजनामा आफना सदस्य महिलाका लागि ३ दिने कपुरधुप बनाउने तालिम सम्पन्न भएको हो ।
सहारा नेपालकी चित्रकला ओलीको अध्यक्षता तथा रोङ गाउँपालिका वडा नं. ३ का अध्यक्ष मात्रिका बरालको प्रमुख आतिथ्यतामा सम्पन्न कार्यक्रममा सहभागी सदस्य महिलालाई प्रमाणपत्र प्रदान गरिएको थियो । सहारा नेपाल फिक्कल सेवा प्रमुख कल्पना ढुंगानाले स्वागत मन्तब्य राख्नु भएको कार्यक्रममा प्रमुख अतिथि बरालले सहाराले स्थानीयको जिवन स्तर संग जोडिएर धेरै काम गरेको बताउनु भयो ।
कार्यक्रममा सहारा सदस्य तथा तालिममा सहभागी मुना ढकाल, सहारा नेपाल संचालन उप समिति उप समिति फिक्कलका संयोजक देवी आचार्य, सदस्य देवी कट्टेलले बोल्नु भएको थियो । कार्यक्रममा २५ जनाले धुप बनाउने तालिम लिएका थिए । सहाराले बिभिन्न सामाजिक क्षेत्रमा काम गर्दै आएको छ । आफना सदस्य र अन्यलाई सहाराले बिभिन्न सिप किाउदै आएको छ ।
