फिक्कल इलामको सूर्योदय नगरपालिका वडा नम्बर ७ महिलाहरुका लागि उद्घोषण तालिम भैरहेको छ ।
वडा कार्यालयको बार्षिक कार्यक्रम अनुसार १६ वटा टोलका बिकास संस्थामा आवद्ध महिलालाई उद्घोषण तालिम दिईएको हो । १६ वटा वटा टोलबाट दुई जनाका दरले छनौट गरी तालिम दिईएको वडाध्यक्ष लोक बहादुर चाम्लिङले जानकारी दिनु भयो । सोमबारबाट शुरु भएको तालिम ४ दिन सम्म संचालन हुने छ । तालिममा पत्रकार दिनेश महत , प्रेम अधिकारी र केशव भट्टराईले प्रशिक्षण दिनु हुने छ । वडाध्यक्ष चाम्लिङले वडामा महिलालाई लक्षित गरी बिभिन्न कार्यक्रम संचालन गरीरहेको जानकारी दिनु भयो । उहाले महिलाहरु चुलो चौकोमै हराउने भएका कारण बिभिन्न कार्यक्रममा आफना कुरा राख्ने बानीको बिकास गर्नका लागि तालिम आयोजना गरीएको बताउनु भयो । वडाध्यक्ष चाम्लिङको अध्यक्षतामा सम्पन्न तालिम उद्घाटन कार्यक्रममा शक्ति समुहका सम्झना प्रसाई लगायतले शुभकामना मन्तब्य राख्नु भएको थियो । वडा सदस्य ख्याम कुमारी घलेले स्वागत मन्तब्य राख्नु भएको कार्यक्रमा वडा सचिव कमलकान्त पोखलेरले संचालन गर्नु भएको थियो ।
