फिक्कल: इलामको रोङ गाउँपालिका ३ कुटीडाँडामा कराते विधाका काता कुमिते र निर्णायक पूर्नताजकी कार्यक्रम सम्पन्न भएको छ । सितोरियो कराते सङ्घ इलाम र कुटीडाँडा डोजोको आयोजनामा सम्पन्न कराते विधाका काता कुमिते र निर्णायक पूर्णताजकी कार्यक्रम दुई दिन सम्म सञ्चालन भएको हो ।
उक्त कार्यक्रममा इलाम जिल्लाका सम्पूर्ण कराते सिनियर खेलाडी , डोजो प्रशिक्षक र प्रशिक्षकलाई प्रशिक्षण दिइएको थियो । प्रशिक्षण कार्यक्रमले खेलाडी, प्रशिक्षकलाई अहिलेसम्म आएको नयाँ खेलको नियम, नयाँ टेक्निक र काताका सीप सिकाइएको करातेका वरिष्ठ प्रशिक्षक तथा जिल्ला खेलकुद विकास समितिका कार्यालय प्रमुख योगेश चाम्लिङले जानकारी दिनु भयो ।
उक्त सिकाइले इलामका कराते खेलाडीलाई आगामी दिनमा खेलमा कौशलता प्रदान गर्न सहयोग पुग्ने चाम्लिङले जानकारी दिनु भयो । कार्यक्रम समापनका अवसरमा रोङ गाउँपालिका अध्यक्ष मनिकुमार स्याङ्बो, उपाध्यक्ष बिष्णुमाया खवास , जिल्ला खेलकुद बिकास समिति इलामका अध्यक्ष खगेन्द्र बास्तोला लगायतले सहभागीलाई प्रमाणपत्र बितरण गर्नु भयो । गाउँपालिका अध्यक्ष स्याङ्बो कराते प्रशिक्षण कार्यक्रमलाई गाउँपालिकाले सहयोग गर्ने प्रतिवद्धता जनाउनु भयो ।
कार्यक्रममा प्रशिक्षकको रूपमा करातेका वरिष्ठ प्रशिक्षक तथा जिल्ला खेलकुद विकास समितिका कार्यालय प्रमुख योगेश चाम्लिङ रहनु भएको थियो। त्यस्तै संघ र महासङ्घका पदाधिकारी’कराते प्रशिक्षक राम राई नरबहादुर खवासले व्यवस्थापन मा भूमिका निर्वाह गर्नुभएको थियो। उक्त कार्यक्रममा ६० जना प्रशिक्षार्थीलाई प्रशिक्षण दिएको थियो।
कार्यक्रम संचालन गर्न गाउँपालिकाले सहयोग गर्ने भएको छ भने गाउँपालिका उपाध्यक्ष खवासले नगद १० हजार, खेलकुद बिकास समिति इलामका अध्यक्ष खगेन्द्र बास्तोलाले तीन हजार नगद र स्थानीय होटल ब्यवसायीले सहुलीयता खेलाडी राख्न सहगोग गरेको आयोजकलेजनाएको छ ।
