फिक्कल: इलामको सूर्योदय नगरपालिका वडा नम्बर १२ स्थित करफोक विद्यालयमा छोरी–बुहारी छात्रवृत्ति कार्यक्रमको सम्झौता भएको छ । कार्यक्रममा सूर्योदय नगरपालिकाका कार्यवाहक नगर प्रमुख दुर्गाकुमार बरालको उपस्थितमा छोरी–बुहारी छात्रवृत्ति कार्यक्रमको सम्झौता भएको हो । सूर्योदय नगरपालिकाले विगत ८ वर्षदेखि करफोक क्याम्पससँगको संझौतामा उच्च शिक्षा अध्ययनका लागि छोरीबुहारी छात्रवृति कार्यक्रम गर्दै आएको छ ।
समाजको समुन्नति, समान अवसर र समावेशी विकासका लागि छोरी तथा बुहारीको शिक्षा अत्यन्तै महत्वपूर्ण विषय भएको भन्दै सूर्योदय नगरपालिकाले आर्थिक वर्ष २०७५/०७६ बाट नै छोरी बुहारी शिक्षा संचालन गर्दै आएको छ । शिक्षित छोरी र बुहारीले परिवार मात्र होइन, समाज र राष्ट्रको भविष्यलाई नै उज्यालो बनाउने विश्वास लिएको कार्यवाहाक नगर प्रमुख दुर्गाकुमार बरालले बताउनु भयो ।
सूर्योदय नगरपालिकाले शिक्षा, समानता र महिला सशक्तिकरणलाई केन्द्रमा राखेर अघि बढाइरहेको नीतिअन्तर्गत यस्तो कार्यक्रमले स्थानीय तहबाटै सकारात्मक परिवर्तनको सन्देश प्रवाह गर्दै आएको कार्यक्रममा यस वर्ष २८ जना विद्यार्थीसँग संझौता भएको छ । छोरी–बुहारी छात्रवृत्ति सम्झौता कार्यक्रममा सूर्योदय नगरपालिका २ का अध्यक्ष डिक बहादूर बम्जन, महिला वालबालिका तथा समाजकल्याण शाखा प्रमुख तारा सेर्पा, शिक्षा शाखा प्रमुख योगनिधि भट्टराई ,करफोक क्याम्पसका प्रमुख गोपाल कट्टेल लगायतको उपस्थिति रहेको थियो । यस अघि ९० जना छोरीबुहारीले स्नातक उत्र्तीण गरिसक्नु भएको छ भने हाल सम्म दुईसय ६५ जना छोरीबुहारी संग सम्झौता भैसकेको छ । नगरले स्नातक उत्तीर्णलाई सय दिनको रोजगारी समेत दिर्दै आएको छ ।
