दानावारी(इलाम): इलाम जिल्ला स्तरीय १५ औं राष्ट्रपति रनिङ शिल्ड प्रतियोगिता आजबाट शुरु भएको छ । माई नगरपालिकको शितली खेलमैदानमा जिल्लाका १० पालिकाका नौ सय हाराहारी खेलाडीले बिभिन्न ६ बिदाका ६६ खेलमा प्रतिष्पर्धा गर्ने गरी प्रतियोगिता शुरु भएको हो ।
जिल्ला खेलकुद बिकास समिति इलामका अध्यक्ष खगेन्द्र बास्तोलाको अध्यक्षता तथा कोशी प्रदेशका आर्थिक मामिला तथा योजना मन्त्री राम राना मगरको प्रमुख आतिथ्यतामा कार्यक्रमको उद्घाटन गरीएको छ । प्रतियोगिताको उद्घाटन गर्दै मन्त्री रानाले खेल क्षेत्रको बिकासका लागि प्रदेश सरकार प्रतिवद्ध रहेको बताउनु भयो । उहाले प्रदेशले जिल्ला खेलकुद बिकास समिति इलामलाई सकेको सहयोग गर्ने बताउनु भयो । कार्यक्रममा कोशी प्रदेशका खानेपानी सिंचाई तथा उर्जा मन्त्री एकराज कार्कीले ओलम्पीक सम्मको खेलाडीको यात्राको जग राष्ट्रपति रनिङ शिल्ड भएको बताउनु भयो ।
कार्यक्रममा प्रदेश सभा सदस्य तथा पूर्व मन्त्री शम्सेर राईले राष्ट्रपति रनिङ शिल्ड प्रतियोगितालाई ब्यवस्थित गर्न प्रदेश सरकारले बजेटको ब्यवस्था गर्नु पर्ने बताउनु भयो । माई नगरपालिकाका नगर प्रमुख खम्बासिं लिम्बुले नगरले आट गरेर प्रतियोगिता संचालन गरेको बताउनु भयो ।
कार्यक्रममा इलाम नगरपालिकाका नगर प्रमुख केदार थापा, रोङ गाउँपालिका अध्यक्ष मनिकुमार स्याङबो, इलामका प्रमुख जिल्ला अधिकारी कल्पना श्रेष्ठ, माई नगरपालिका उप प्रमुख हिमा भण्डारी , माईजोगमाई उपाध्यक्ष प्रविना राई लगायतले शुभकामना मन्तब्य राख्दै राष्ट्रपति रनिङ शिल्ड पालिका स्तरको गौरवको खेलकुद प्रतियोगिता भएको बताउनु भयो ।
जिल्ला खेलकुद बिकास समिति इलामको आयोजना र ब्यवस्थापक माइ नगरपालिकाको ब्यवस्थापनमा शुरु भएको प्रतियोगितामा १० पालिकाका ८९५ बिद्यार्थी, रेफ्री , अफिसियल गरी एक हजार ५०० बढीको सहभागीता रहेको छ । प्रतियोगितामा ६ वटा बिधा लागि भलिवल, कवडी, एथलेटिक्स, उसु, कराँते, तेक्वान्दो रहने जिल्ला खेलकुद बिकास समिति इलामका अध्यक्ष खगेन्द्र बास्तोलाले जानकारी दिनु भयो । प्रतियोगिता सम्पन्न गर्न आयोजकलाई माइ नगरपालिकाले १३ लाख रुपियाँ सहयोग गरेको छ ।
समितिले जिल्ला सदरमुकाममा हुदै आएको प्रतियोगितालाई ग्रामिण खेलकुदको बिकास गर्ने उद्देश्यले बिगत तीन बर्ष देखि पालिका स्तरमा संचालन गर्दै आएको छ । जिल्ला खेलकुद बिकास समिति इलामका कार्यालय प्रमुख नारायण भट्टराईका अनुसार आगामी बर्ष सूर्योदय नगरपालिकाले प्रतियोगिता संचालन गर्ने गरी झण्डा हस्तान्तरण गरीएको छ । प्रतियोगिता तीन दिन सम्म चल्ने छ । प्रतियोगिताको अवसरमा पालिका स्तरी १५ औं राष्ट्रपति रनिङ शिल्ड प्रतियोतिा उत्कृष्ठ रुपमा संचालन गरेको भन्दै माईजोगमाई गाउँपालिकालाई सम्मान गरीएको छ । सो अवसरमा संचारकर्मी प्रेम अधिकारी, भगीरथ भण्गारी र बिमल दाहाल सम्मानित हुनु भयो । उक्त अवसरमा ओलम्पियन प्रमिला रिजाललाई समेत सम्मान गरीएको छ । उहा माई नगरपालिका बासी हुनुहुन्छ ।
